اسلام آباد ( آن لائن) چیف الیکشن کمشنر سکندر سلطان راجہ نے وزیر اعظم عمران خان کو خط لکھا ہے جس میں الیکٹرانک ووٹنگ مشین اور آئی ووٹنگ کا معاملے حکومتی اقدامات اور تعاون کی درخواست کی گئی ہے ۔ہفتہ کے روز چیف الیکشن کمشنر سکندر سلطان راجہ کی

جانب سے وزیر اعظم عمران خان کو لکھے گئے خط میں کہاگیا ہے کہ پراجیکٹ مینجمنٹ یونٹ بنانے کیلئے جگہ اور عمارت دی جائے ،انتخابی عمل میں ٹیکنالوجی کے استعمال کیلئے الیکشن کمیشن اقدامات اٹھا رہا ہے،چیف الیکشن کمشنر نے 4 مختلف عمارتوں کی تجاویز بھی خط میں بھجوائیں،پاکستان اکیڈمی آف سائنسز کا گیسٹ روم بھی یونٹ بنانے کیلئے استعمال ہوسکتا،پی سی ایس آئی آر کا گیسٹ ہاوس بھی الیکشن کمیشن کو دینے کی تجویز ہے ،خط میں مزید لکھا گیا ہے کہ وزارت سائنس ٹیکنالوجی کا خالی فلور بھی الیکشن کمیشن کو فراہم کیا جاسکتا، سر سید میموریل سوسائٹی عمارت میں سے کوئی ایک فراہم کی جائے،خط میں لکھا گیا ہے کہ یونٹ کے قیام کیلئے آئی ٹی پروفیشنلز کی بھرتیوں کاکام آخری مراحل میں ہے،آئی ٹی ٹیمز ای وی ایمز،آئی ووٹنگ اور انتخابی عمل میں ٹیکنالوجیز کے استعمال کیلئے کام کرینگے۔

موضوعات:چیف الیکشن کمشنر