اسلام آباد (آن لائن) پاکستان مسلم لیگ (ن)کی ترجمان مریم اورنگزیب نے وزیر اطلاعات فواد چوہدری کے شعری تبصرے کا مرحوم شاعر راحت اندوری کے شعر میں جواب میں کہا ہے کہ جھوٹوں نے جھوٹوں سے کہا ہے سچ بولو۔۔ سرکاری اعلان ہوا ہے سچ بولو۔۔ گھر کے اندر جھوٹوں کی

اک منڈی ہے۔۔ دروازے پر لکھا ہوا ہے سچ بولو۔ اپنے ایک بیان میں انہوں نے کہا جھوٹ کا صرف ایک چہرہ ہے جس کا نام عمران خان ہے جس کی گواہی بائیس کروڑ عوام دے رہی ہے ۔ انہوں نے کہا وام معاشی تباہی ، بے روزگاری اور مہنگائی برپا کرنے والے چہرے پہچان چکی ہے ۔ انہوں نے کہا عوام ملک کی معاشی سالمیت اور خودمختاری کو آئی کے حوالے کرنے والوں کے چہرے پہچان چکی ہے ۔ انہوں نے کہا جھوٹے چہرے نے کہا تھا کہ ایک کروڑ نوکری اور پچاس لاکھ گھر دیں گے ۔ ایک جھوٹے چہرے نے کہاتھا کہ ‘خودکشی کرلوں گا، آئی ایم ایف نہیں جائوں گا۔ انہوں نے کہا جھوٹ بولنے والے عوام کو چہرہ دکھانے کے قابل نہیں رہے۔ ملک پر مہنگائی کی قیامت نازل کرنے والوں کے چہرے قوم پہچان چکی ہے۔ انہوں نے کہا منی بجٹ مسلط کرنے والے غریب دشمن کرپٹ مافیاز کے چہرے قوم کے سامنے بے نقاب ہو چکے ہیں۔ ان شائ� اللہ عام انتخابات پی ٹی آئی کا آخری انتخاب ثابت ہوگا۔ آٹا، چینی، گھی، بجلی گیس، دوائی، کھاد، روزگار، ڈالر چور چہروں سے قوم کو ہمیشہ کے لئے نجات ملنے والی ہے#/s#