مان ( این این آئی)انڈر 19 ایشیا ء کپ 2026 کے گروپ اے کے اہم میچ میں پاکستان انڈر 19 نے سنسنی خیز مقابلے کے بعد روایتی حریف بھارت انڈر 19 کو 3 وکٹوں سے پچھاڑ دیا۔

عمان کے العمیرات کرکٹ گرائونڈ میں کھیلے گئے مقابلے میں وکٹ کیپر بلے باز حمزہ ظہور کی ناقبال شکست سینچری نے پاکستان کی فتح میں کلیدی کردار ادا کیا۔میچ میں بھارت انڈر 19 کی ٹیم پہلے بیٹنگ کرتے ہوئے 46.3 اوورز میں 208 رنز بنا کر آل آئوٹ ہو گئی۔ پاکستانی بالرز نے نپی تلی بالنگ کا مظاہرہ کرتے ہوئے بھارتی بلے بازوں کو بڑا اسکور بنانے سے روکے رکھا۔209 رنز کے ہدف کے تعاقب میں پاکستان انڈر 19 کا آغاز انتہائی مایوس کن رہا اور صرف 61 رنز کے مجموعی سکور پر 5 اہم ٹاپ آرڈر بلے باز پویلین لوٹ گئے تاہم ایسے شدید دبا کے موقع پر حمزہ ظہور نے ذمہ دارانہ بیٹنگ کا مظاہرہ کیا اور 108 گیندوں پر 100 رنز کی ناقابل شکست اننگز کھیل کر ٹیم کو سنبھالا دیا۔

پاکستان نے مطلوبہ ہدف 48.1 اوورز میں 7 وکٹوں کے نقصان پر حاصل کر لیا۔ حمزہ ظہور کو ان کی شاندار فتح گر سنچری پر میچ کا بہترین کھلاڑی قرار دیا گیا۔