نیویارک(این این آئی)ویسٹ انڈیز سے تعلق رکھنے والے جارح مزاج آل رانڈر کیرون پولارڈ نے ٹی20 کرکٹ میں نئی تاریخ رقم کردی۔گزشتہ روز امریکا میں جاری میجر لیگ (ایم ایل سی)کے دوران ایم آئی نیویارک کی نمائندگی کرکے ویسٹ انڈین بیٹر کیرون پولارڈ نے 700 ٹی20 میچز کھیلنے کا منفرد ریکارڈ اپنے نام کیا۔
جارح مزاج ویسٹ انڈین بیٹر 700 ٹی20 مقابلے کھیلنے والے دنیا کے پہلے کرکٹر بن گئے ہیں۔انہوں نے ایم آئی نیویارک کی نمائندگی کرتے ہوئے سان فرانسسکو الیون کیخلاف 37 سالہ پولارڈ نے 16 گیندوں پر 34 رنز ناٹ آئوٹ بنانے کے علاوہ 2 وکٹیں بھی اڑائیں۔پولارڈ اپنے 700 ویں ٹی20 میچ کو یادگار نہیں بناسکے کیونکہ انکی ٹیم کو 246 رنز کے تعاقب میں 47 رنز سے شکست کا منہ دیکھنا پڑا تھا۔
