لاہور(این این آئی)پاکستان کے اسٹار بیٹر بابر اعظم نے اپنی ٹی 20 ورلڈ الیون میں دو بھارتی اور ایک افغانستان کے کھلاڑی کو شامل کرلیا۔پی ایس ایل 10 کے دوبارہ شروع ہونے سے قبل حالیہ انٹرویو میں سابق کپتان بابر اعظم سے کہا گیا کہ وہ اپنی ڈریم ٹی 20 ورلڈ الیون کو منتخب کریں۔میزبان نے کہا کہ بابر ایک ملک کے دو سے زائد کھلاڑی شامل نہیں کرسکتے۔انہوں نے ٹیم میں دو بھارتی کھلاڑیوں کو منتخب کیا لیکن ویرات کوہلی کو کمبی نیشن سے نکال دیا۔

بابر نے اوپننگ سلاٹس کے لیے روہت شرما اور پاکستان کے وکٹ کیپر بیٹر محمد رضوان کا انتخاب کیا، فخر زمان کو نمبر 3 اور بھارت کے سوریا کمار یادیو کو 4 نمبر پر رکھا۔انہوں نے وکٹ کیپر بیٹر جوز بٹلر کو پانچویں نمبر پر منتخب کیا، اس کے علاوہ جنوبی افریقا کے جارح مزاج بیٹر ڈیوڈ ملر اور آل راؤنڈر مارکو جانسن ڈریم الیون میں شامل کیا۔اسپنر میں بابر کا انتخاب افغانستان کے راشد خان تھے۔ فاسٹ بولرز میں انہوں نے آسٹریلیا کے پیٹ کمنز، مچل اسٹارک اور انگلش فاسٹ بولر مارک ووڈ کا انتخاب کیا۔بابر اعظم کی ٹی 20 ورلڈ الیون میںروہت شرما (بھارت)، محمد رضوان (پاکستان)، فخر زمان (پاکستان)، سوریا کمار یادیو (بھارت)، جوز بٹلر (انگلینڈ)، ڈیوڈ ملر (جنوبی افریقہ)، مارکو جانسن (جنوبی افریقہ) راشد خان (افغانستان)، پیٹ کمنز (آسٹریلیا)، مچل اسٹارک (آسٹریلیا)، (انگلینڈ) مارک ووڈشامل ہیں۔