نئی دہلی (این این آئی)چیمپیئنز ٹرافی کیلیے اپنی ٹیم پاکستان بھیجنے سے انکار کرنے والے بھارتی بورڈ (بی سی سی ا?ئی) کی ٹیم کو ا?ئی سی سی ورلڈ ٹیسٹ چیمپیئن شپ فائنل کھیلنے کیلیے گرین شرٹس کی مدد کی ضرورت پڑگئی۔گزشتہ روز آسٹریلیا کے خلاف برسبین ٹیسٹ میچ ڈرا ہونے کے بعد بھارت کیلیے ورلڈ ٹیسٹ چیمپیئن شپ کا فائنل کھیلنے کی امیدیں معدوم ہونے لگی ہیں اور انہیں پاکستان کا سہارا درکار ہے۔آئی سی سی ٹیسٹ چیمپیئن شپ کا فائنل کھیلنے کیلیے آسٹریلیا، بھارت، جنوبی افریقا اور سری لنکا کی ٹیمیں اس پوزیشن پر موجود ہیں جو ایونٹ کے فائنل کے لیے کوالیفائی کرسکتی ہیں۔
بھارتی ٹیم کو اگر فائنل کیلیے کوالیفائی کرنا ہے تو ان کے مداحوں، بورڈ اور ٹیم کو پاکستان کیلیے دعا کرنا ہوگی کہ گرین شرٹس اپنے آنے والے پروٹیز کے خلاف بقیہ دونوں ٹیسٹ میچز میں فتح سمیٹ لیں اور پھر بھارت میزبان آسٹریلیا کے خلاف محض ایک ٹیسٹ میچ جیت فائنل کیلئے کوالیفائی کرجائے۔بھارتی ٹیم کیلیے ورلڈ ٹیسٹ چیمپیئن شپ کا فائنل کھیلنے کا ایک اور راستہ تھوڑا مشکل مگر سیدھا ہے، وہ ایسے کہ اگر بھارت اپنے بقیہ دو میچز یعنی میلبرن اور سڈنی ٹیسٹ میں آسٹریلیا کے خلاف فتح سمیٹتا ہے تو وہ فائنل کیلے کوالیفائی کرجائے گا لیکن کینگروز کو ان کے میدان پر ہرانا بھارت کیلیے مشکل ترین ٹاسک ہے۔اگر بھارت نے آسٹریلیا کے خلاف سیریز 1ـ3 سے جیتی تو وہ فائنل کھیلنے کا حقدار ٹھہرے گا۔
