فلو ریڈا (این این آئی)امریکا میں موجود پاکستان ٹیم کے فاسٹ بالر حارث رئوف مداح سے الجھ پڑے۔تفصیلات کے مطابق ایک مداح کی جانب سے کچھ کہنے کے بعد حارث رئوف انہیں مارنے کے لیے دوڑے، واقعے کے وقت حارث رئوف کی اہلیہ بھی ان کے ساتھ تھیں۔موقع پر موجود مداح نے موقف اپنایا کہ ایک تصویر ہی تو مانگی ہے۔سماجی رابطے کی ویب سائٹ ایکس پر ایک صارف بیٹس اِن بریف نے لکھا کہ مداح نے مبینہ طور پر دور سے حارث رف کے ساتھ بدتمیزی کی جس کے بعد وہ تیزی سے فین کی طرف بڑھے۔
ایک صارف عبدالرافع نے ایکس پر لکھا کہ پاکستانی کرکٹر حارث رئوف وائرل ہونے والی ویڈیو میں اپنی اہلیہ کے ساتھ ہیں، کچھ بدتمیز مداح جعلی سین بنانا چاہتے تھے لیکن حارث رئوف نے اچھا جواب دیا۔ایک صارف انس چوہدری کے مطابق ایک بھارتی شہری نے حارث رف کی بے عزتی کی، یہ انتہائی شرمناک رویہ ہے۔صحافی احتشام الحق نے لکھا کہ جب کھلاڑی اپنے اہل خانہ کے ساتھ باہر ہوتے ہیں تو شائقین کی طرف سے ایسا رویہ شرمناک ہے۔ایک صارف نے ایکس پر نے کہا کہ یہ پاکستانی مداح ہونے کا ناٹک کر کے ایک بھارتی نے حارث رف سے بدتمیزی کی۔ تاہم یہ واضح نہیں ہوسکا کہ مداح کی جانب سے حارث رئوف کو کیا کہا گیا جس پر وہ آپے سے باہر ہوئے اور مداح کو مارنے تک پر آگئے۔
