نیویارک( آن لائن )برابرٹ فاراح اور ان کے ہم وطن جان سباسٹین پر مشتمل ٹاپ سیڈڈ کولمبین جوڑی اپنی کامیابیوں کے تسلسل کو جاری رکھتے ہوئے سال کے چوتھے اور آخری گرینڈ سلام ٹینس ٹورنامنٹ یو ایس اوپن مینز ڈبلز فائنل میں پہنچ گئی۔ انہوں نے سیمی فائنل میچ میں جمی مرے اور نیل سکپ سکی پر مشتمل برطانوی جوڑی کو شکست کے بعد ٹائٹل کی دوڑ سے باہر کر دیا۔جمعہ کو امریکہ میں جاری میگا ایونٹ میں کھیلے گئے مینز ڈبلز

سیمی فائنل میں برابرٹ فاراح اور ان کے ہم وطن جان سباسٹین پر مشتمل ٹاپ سیڈڈ کولمبین جوڑی نے شاندار کھیل پیش کرتے ہوئے جمی مرے اور نیل سکپ سکی پر مشتمل برطانوی جوڑی کو شکست دیکر میگا ایونٹ کا فائنل کھیلنے کا اعزاز حاصل کرلیا۔ فاتح ٹیم کی کامیابی کا سکور 7-6(7-5) اور 7-6 (10-8) تھا۔ رابرٹ فاراح اور انکے ہم وطن جان سباسٹین کا فائنل میں مقابلہ ہسپانوی ٹینس سٹار مارشل گرانولرز اور انکے ارجنٹائن کے جوڑی دار ہوراسیو زیبالوس سے ہو گا۔

موضوعات:یو ایس اوپن ٹینس مینز