لندن( آن لائن )انگلش کلب سمر سیٹ نے کائونٹی چیمپئن شپ کیلئے بھارتی بلے باز مرلی وجے سے معاہدہ کر لیا۔ انہیں پاکستانی بلے باز اظہر علی کی جگہ ٹیم میں شامل کیا گیا ہے اور معاہدے کے تحت وہ تین میچز میں کلب کی نمائندگی کریں گے۔35 سالہ مرلی وجے کو 61 ٹیسٹ، 17 ون ڈے اور 9 ٹی ٹونٹی
انٹرنیشنل میچز میں ملک کی نمائندگی کا اعزاز حاصل ہے۔ وجے نے اپنے بیان میں کہا کہ سمرسیٹ مشہور کلب ہے اس کے ساتھ معاہدہ کرنے پر خوش ہوں اور اب میں کائونٹی چیمپئن شپ کھیلنے کیلئے بہت پرجوش ہو رہا ہوں، کوشش ہو گی کہ عمدہ کارکردگی کا مظاہرہ کر کے کلب حکام کی توقعات پر پورا اتروں۔
