لوزان(این این آئی) عالمی معیارات کی تصدیق نہ کئے جانے پر واڈا نے بھارتی اینٹی ڈوپنگ لیبارٹری کو 6 ماہ کیلئے معطل کردیا۔بھارتی اینٹی ڈوپنگ لیبارٹری کو 6 ماہ کیلئے معطل کردیا تاہم اس دوران وہاں یورین اور بلڈ سیمپلز کے تجزیوں سمیت دیگر سرگرمیاں بند رہیں گی، پابندی کا اطلاق 20 اگست سے ہوگا، واڈا نے گزشتہ دنوں

بھارتی ڈوپنگ لیبارٹری کے دورے پرعالمی معیارات میں کمی پائی تھی۔بھارتی لیبارٹری کو اب اپنے سیمپلز ملک سے باہر واڈا کی دیگر الحاق رکھنے والے لیبارٹریز کو تجزیے کیلئے بھیجنا پڑیں گے، بھارتی لیبارٹری اس فیصلے کیخلاف کھیلوں کی عالمی ثالثی عدالت میں 21 یوم کے اندر اپیل کا حق رکھتی ہے۔