کراچی(آن لائن) ابو ریحان کرکٹ کلب زون ایک نے پیکر سپورٹس کو باآسانی 8 وکٹوں سے شکست دیدی،محمد رضوان نے شاندار سنچری سکور کی،میچ کے بہترین کھلاڑی رہے۔ ابوریحان گراؤنڈ پر کھیلے گئے میچ میں پیکر سپورٹس نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 194 رنز بنائے۔صدام نے 67 اور تیمور نے 56 رنز سکور کیے۔ابو ریحان کرکٹ کلب زون ایک کی جانب سے

شیخ طلحہ بابر نے 21 رنز دے کر 4 جب کہ کپتان فراز احمد خان نے 2 اور اصغر حیدر نے ایک کھلاڑی کو آؤ ٹ کیا۔جواب میں ابوریحان کرکٹ کلب نے محمد رضوان کی تیز ترین سنچری کی بدولت مطلوبہ سکور صرف دو وکٹوں کے نقصان پر 10 اوورز میں پورا کرلیا۔محمد رضوان نے صرف 24 گیندوں پر 13 چھکوں اور 4 چوکوں کی مدد سے ناقابل شکست 100 رنز بنائے جبکہ اختر منیر نے 25 گیندوں پر 76 رنز سکور کئے۔ میچ کے اختتام پر مہمان خصوصی عارف وحید خان نے محمد رضوان کو مین آف دی میچ ایوارڈ دیا۔

موضوعات:ابو ریحان کرکٹ کلب زون