لاہور(این این آئی)پاکستان کرکٹ ٹیم کے ہیڈ کوچ مکی آرتھر نے پی سی بی کرکٹ کمیٹی کی میٹنگ میں شرکت کی خواہش ظاہر کرتے ہوئے کہاہے کہ وہ لاہور آکر اجلاس میں اپنی رپورٹ پیش کریں گے اور کرکٹ کمیٹی کو کارکردگی پر تفصیلی بریفنگ دیں گے۔میڈیا رپورٹ کے مطابق مکی آرتھر نے اپنی رپورٹ بورڈ کو ای میل نہ کرنے کا فیصلہ کیا ہے۔پی سی بی ذرائع کے مطابق مکی آرتھر لاہور آرہے ہیں،انہوں نے اپنی
رپورٹ پیش نہیں کی ہے وہ خود اپنی کارکردگی پر بریفنگ دیں گے۔امکان ہے کہ اگر ضرورت محسوس کی گئی تو کپتان سرفراز احمد کو بھی طلب کیا جاسکتا ہے جبکہ سابق چیف سلیکٹر انضمام الحق سے بھی سلیکشن پر رائے لی جاسکتی ہے۔منیجر طلعت علی ملک نے اپنی رپورٹ پی سی بی کو بھیج دی ہے۔یہ رپورٹ اجلاس میں پیش کی جائے گی،انضمام الحق نے استعفا دے دیا ہے جبکہ طلعت علی کو فارغ کئے جانے کا امکان ہے۔
