لندن (این این آئی)فلپائنی باکسر مینی پاکیاؤ کی ٹیم نے پاکستانی نڑاد برطانوی باکسر عامر خان کی جانب سے نومبر میں سعودی عرب میں مقابلے کے معاہدے کی تردید کر دی۔عامر خان نے برطانوی میڈیا کو بتایا تھا کہ مینی پاکیاؤ کے ساتھ مقابلے کا معاہدہ طے پا چکا ہے اور فلپائنی باکسر کے ساتھ ان کی فائٹ 8 نومبر کو سعودی عرب کے دارالحکومت ریاض میں ہو گی۔مینی پاکیاؤ ہفتے کو لاس ویگاس میں

امریکن باکسر کیتھ تھرمین سے مقابلہ کریں گے۔عامر خان نے کہا کہ اگر مینی پاکیاؤ کیتھ تھرمین سے ہار بھی گئے تب بھی ان کی اور مینی پاکیاؤ کی فائٹ ہو گی۔فلپائنی باکسر کے ترجمان فریڈ اسٹرن برگ نے بی بی سی کو بتایا کہ مینی پاکیاؤ کا عامر خان کے ساتھ فائٹ کا کوئی معاہدہ نہیں ہوا۔انہوں نے کہا کہ جہاں تک مجھے علم ہے تو عامر خان کے ساتھ مقابلے کے معاملے پر کوئی بات بھی نہیں ہوئی۔