لاہور( آن لائن) ورلڈکپ2019 کے سب سے سنسنی خیز میچ میں سٹے باز بھی سرگرم ہوگئے ہیں اور امید کی جا رہی ہے کہ اربوں روپے جیت ہار پر لگائے جائیں گے۔ ذرائع کے مطابق آج کے بڑے ٹاکرے میں بھارت کا ریٹ 44 پیسے لگایا گیا ہے اور اسے فیورٹ بھی قرار دیا جارہا ہے۔آئی سی سی کے 22ویں میچ میں قومی فیورٹ نہیں ہے اس لیے پاکستان

کا بھائو2 روپے 15 پیسے نکالا گیا ہے۔ بک میکرز نے میچ مکمل ہونے کا بھائو32 پیسے اورنامکمل کا ریٹ 3روپے نکالا ہے۔اطلاعات ہیں کہ پولیس کے ڈر سے بک میکر اپنے جگہیں تبدیل کر رہے ہیں اور سارا کاروبار موبائل فونز پر کیا جارہا ہے۔ اس ضمن میں بک میکروں نے پاک بھارت میچ کے لیے نئے موبائل نمبرز سٹے بازوں کو فراہم کیے ہیں۔

موضوعات:پاک بھارت میچ