مانچسٹر(این این آئی) پاکستانی کرکٹ ٹیم کی انتظامیہ نے بھارت کے خلاف میچ میں دو اسپنرز عما د وسیم اور شاداب خان کو کھلانے پر غور کرشروع کر دیا ہے تاکہ پانچ ریگولرز بولروں کے ساتھ میچ میں کھیلا جائے۔ ذرائع کے مطابق بھارت کے خلاف میچ میں عامر، حسن علی اور وہاب ریاض کے ساتھ دو اسپنرز کھیلیں گے۔ شاداب خان، شاہین شاہ آفریدی جبکہ عماد وسیم، آصف علی کی جگہ میچ کھیلیں گے۔

شعیب ملک کی خراب فارم پر سب کو تشویش لاحق ہے تاہم انہیں ایک اور لائف لائن دی جاسکتی ہے، ایسے وقت میں آسٹریلیا کے خلاف سنچری بنانے والے حارث سہیل باہر بیٹھے ہیں، شعیب ملک کو ایک اور موقع دینے کا فیصلہ کیا گیا ۔سابق کپتان شعیب ملک کو انگلینڈ میں خراب ریکارڈ کے باوجود ورلڈکپ کے لئے پاکستان ٹیم میں شامل کیا گیا، شعیب ملک ابھی تک ٹورنامنٹ میں اپنی کارکردگی سے انصاف نہیں کر سکے ہیں۔آسٹریلیا کے خلاف میچ میں شعیب ملک نے کئی بار مس فیلڈنگ بھی کی تاہم بیٹنگ میں صفر پر آؤٹ ہونے سے ان کی فارم پر پھر سوال اٹھائے جا رہے ہیں یاد رہے کہ ورلڈ کپ اسکواڈ میں شامل شعیب ملک پہلے ہی ون ڈے کرکٹ سے ریٹائر منٹ کا اعلان کر چکے ہیں کہ حالیہ ورلڈ کپ کے بعد وہ ون ڈے کرکٹ کو خیر باد کہ دیں گے اس سے قبل وہ ٹیسٹ کرکٹ سے ریٹائر ہو چکے ہیں البتہ ٹی ٹوئنٹی ورلڈ کپ تک پاکستان کیلئے کھیلنے کی خواہش رکھتے ہیں۔سابق کپتان شعیب ملک نے 286 ون ڈے کی 257 اننگز میں 9 سنچریوں اور 44 نصف سنچریوں کی مدد سے 34.71 کی اوسط سے 7534 رنز بنا رکھے ہیں۔