لاہور( این این آئی)محکمہ سکولزایجوکیشن نے پبلک سکولوں میں سالانہ امتحانات کی ترمیم شدہ ڈیٹ شیٹ جاری کر دی ہے

جس کے مطابق بیشتر امتحانات عید سے قبل مکمل کر لیے جائیں گے۔محکمہ تعلیم کے مطابق سالانہ امتحانات کا آغاز 9 مارچ سے ہوگا،نئی ڈیٹ شیٹ کے تحت پانچویں جماعت تک کے تمام امتحانات عید سے پہلے مکمل کر لیے جائیں گے۔پانچویں جماعت کا آخری پرچہ 18 مارچ کو ہوگا جس میں حساب اور ناظرہ قرآن شامل ہیں، جبکہ پہلی اور دوسری جماعت کا آخری پرچہ 17 مارچ کو اردو کا لیا جائے گا۔محکمہ تعلیم کے مطابق مڈل جماعتوں چھٹی تا آٹھویں کے صرف آخری دو پرچے عید کے بعد ہوں گے۔ ان امتحانات میں 24 اور 25 مارچ کو ترجم القرآن، اردو اور انگلش ریڈنگ کے پرچے لیے جائیں گے۔محکمہ سکولزایجوکیشن نے تمام سکولوں کو ہدایت جاری کر دی ہے کہ وہ نئی جاری کردہ ڈیٹ شیٹ کے مطابق امتحانی شیڈول پر عمل درآمد یقینی بنائیں۔