ٹاؤنٹین(این این آئی)پاکستانی ٹیم کے کپتان سرفراز احمد نے ورلڈکپ کے کسی میچ میں 500رنز بننے کا امکان مسترد کردیا۔میڈیا سے بات چیت کے دور ان ایک سوال کے جواب میں انہوںنے کہاکہ دوملکوں کی باہمی سیریز میں صورتحال مختلف ہوتی ہے،پاکستان اور انگلینڈ کی ون ڈے سیریز میں بڑے اسکور بنے۔ اس وقت بھی میرا یہی کہنا تھا کہ ورلڈکپ میں دبائو مختلف طرح کا ہوگا اور نظر بھی یہی آرہا ہے کہ اچھی بیٹنگ کرنے والی ٹیمیں بھی 330یا 340رنز بنا رہی ہیں جبکہ یہ اہداف حاصل کرنا بھی آسان نہیں۔سرفراز احمد نے کہا کہ مجھے نہیں لگتاکہ کوئی
ٹیم میگا ایونٹ کے کسی میچ میں 500کا ٹوٹل حاصل کرپائے گی۔