لندن(این این آئی)سائو تھ افریکا کے کھلاڑی کاگسو ربادہ آئی پی ایل کے دوران بھارتی کپتان ویرات کوہلی سے ہونے والی منہ ماری نہیں بھولے ،کوہلی کو ایک حالیہ انٹرویو میں غیر سنجیدہ (امیچور)کھلاڑی قرار دیا ہے۔غیر ملکی میڈیا رپورٹس کے مطابق سائوتھ افریکا کے کھلاڑی ربادہ نے  ایک انٹرویو میں کوہلی سے متعلق سوال پر جواب دیتے ہوئے کہا کہ ’’ کوہلی ایک غیر سنجیدہ انسان ہیں، وہ گالیاں دیتے ہیں مگر جواب میں گالیاں سننے کی اْن میں ہمت نہیں ہے، وہ کھیل کے دوران میدان میں ہر وقت

غصے میں رہتے ہیں۔‘‘24 سالہ ربادہ نے  اپنی اور کوہلی کی آئی پی ایل میچ کے دوران ہونے والی منہ ماری سے متعلق بات کرتے ہوئے کہا کہ ’’ میں کھیل کے بارے میں سوچ رہا تھا، کوہلی نے آکر مجھے مارا اور کچھ برے الفاظ بھی ادا کیے، جس پر میں نے بھی پلٹ کر جواب دیا تو وہ غصہ ہو گئے۔‘‘سائوتھ افریکا کے آ ل رائونڈر کھلاڑی ربادہ نے کہا کہ ویرات کوہلی میری سمجھ سے باہر انسان ہیں، شاید وہ اس لیے ایسا کرتے ہیں کہ یہ اْن کی عادت ہے، مگریہ میرے لئے انتہائی افسوس ناک تھا۔

موضوعات:کاگسو ربادہ