لاہور(این این آئی)سابق قومی کپتان مصباح الحق ہے کہاہے کہ عماد وسیم اور شاداب خان گرین شرٹس کی ورلڈ کپ میں کامیابی میں اہم کردار ادا کر سکتے ہیں۔ ایک انٹرویومیں مصباح الحق نے کہاکہ عماد وسیم اور شاداب خان گرین شرٹس کی کامیابی میں اہم کردار ادا کر سکتے ہیں ۔انہوںنے کہاکہ شاداب خان بھی بھرپور فارم میں ہیں،فائدہ پاکستان ٹیم کو اٹھانا چاہیے۔سابق قومی
کپتان کا کہنا تھا کہ پاکستان ٹیم کی موجودہ صورتحال زیادہ تسلی بخش نہیں ہے جب آپ جیت نہیں رہے ہوتے ہیں تو مورال بھی ڈاؤن ہوتا ہے، اس بات کا فائدہ ویسٹ انڈیز کی ٹیم اٹھانے کی کوشش کری گی لیکن ورلڈ کپ کے اپنے ابتدائی میچز میں زیادہ اہم یہ ہے کہ کون سی ٹیم کس حکمت عملی کے ساتھ میدان میں اترتی ہے اور میچ کے دوران ملنے والے مواقعوں سے کتنا فائدہ اٹھاتی ہے۔
