ناٹنگھم(این این آئی) قومی کرکٹ ٹیم کے سابق کپتان اور پی سی بی کی کرکٹ کمیٹی کے رکن وسیم اکرم نے کہاہے کہ سخت ٹیموں سے نمٹنے کیلئے پاکستان کو نڈر ہو کر کھیلنا ہوگا۔ ایک انٹرویویو میں انہوںنے کہاکہ ورلڈ کپ میں سخت ٹیموں سے نمٹنے کے لیے پاکستان کو نڈر ہوکر کھیلنا ہوگا۔انہوںنے کہاکہ ورلڈ کپ میں فخر زمان پر نظریں ہوں گی، انہیں اب ذہانت کا مظاہرہ کرنا ہوگا کیونکہ وہ کافی عرصے سے کھیل رہے ہیں، لوگوں کو پتہ چل گیا ہے
کہ فخر کو کیسے بولنگ کرانی ہے تاہم لوگ کہتے ہیں کہ وہ کبھی چلتا ہے اور کبھی نہیں کیونکہ اس کا اسٹائل ہی ایسا ہے۔انہوں نے کہا کہ فائنل الیون میں آصف علی کا ہونا ضروری ہے کیوں کہ وہ اچھا ہارڈ ہٹر ہے جس کی پاکستان کو ضرورت ہے۔وسیم اکرم کا کہنا تھا کہ پاکستان بظاہر اتنی مضبوط ٹیم نہیں، اسے فائنل فور تک آنے کیلئے بہت محنت کرنا ہوگی لیکن امید ہے کہ یہ سیمی فائنل تک رسائی حاصل کرسکے گی۔
