لاہور( این این آئی )آئی سی سی کرکٹ ورلڈ کپ کے مناسبت سے سرچ انجن گوگل نے اپنا ڈوڈل تبدیل کر دیا۔کرکٹ کے میگا ایونٹ ورلڈکپ 2019 کے آغاز کے موقع پر گوگل بھی کرکٹ کے رنگ میں رنگ گیا۔گوگل نے کرکٹ ورلڈکپ کا حصہ بنتے ہوئے اپنا ڈوڈل تبدیل کردیا جس میں گیند اور وکٹ کے کا اضافہ کیا گیا ہے۔دیکھا جاسکتا ہے کہ کھلاڑی بال کروا رہا جس پر شاٹ لگایا گیا ۔

ورلڈکپ کی مناسبت سے ڈیزائن کیے گئے خصوصی ڈوڈل کو فیس بک اور ٹوئٹر پر شیئر بھی کیا جاسکتا ہے۔اس کے علاوہ ڈوڈل پر کلک کرنے سے میچ کے اوقات، اس سے متعلق خبریں اور میچز کن ٹیموں کے درمیان ہیں اس حوالے سے تمام معلومات حاصل ہوسکتی ہیں۔دوسری جانب سماجی رابطے کی ویب سائٹ ٹوئٹر بھی متحرک ہوگئی اور اس نے ٹیموں کے نعروں اور کپتانوں کے ہیش ٹیگ اور ایموجیز تیار کرلی ہیں۔ایونٹ کو سوشل پلیٹ فارم پر بھی کامیاب بنانے اور یہاں لوگوں کو متحرک رکھنے کے لیے ٹوئٹر نے خصوصی طور پر ٹیموں کے نعروں اور ان کے کپتانوں ہیش ٹیگ ایموجی تیار کرلیا۔پاکستان کی ٹیم کے لیے وی ہیو وی وِل کا ہیش ٹیگ کا ہیش ٹیگ تیار کیا گیا ہے جبکہ کپتانوں کے لیے سرفراز احمد کے ہیش ٹیگ کے ساتھ ان کی ایموجی بھی دکھائی دے رہا ہے۔اس کے علاوہ ٹیموں کے لیے تیار کیے گئے ان کے نعروں کے ہیش ٹیگ میں ان کے قومی رنگوں میں مزین جرسی بطور ایموجی استعمال کی گئی ہے جبکہ ان جرسیوں پر ٹیموں کے ناموں کے انگریزی زبان کے ابتدائی تین حروف لکھے ہوئے ہیں۔

موضوعات:کرکٹ ورلڈ کپ