سائوتھمپٹن(این این آئی )انگلش وکٹ کیپر بلے باز جوز بٹلر نے کہا ہے کہ پاکستان کے خلاف دوسرے ایک روزہ بین الاقوامی میچ میں سنچری میرے لئے بہت اہم ہے، کوشش ہو گی کہ اگلے میچز میں بھی عمدہ کارکردگی کے تسلسل کو برقرار رکھتے ہوئے ٹیم کو کامیابیاں دلانے میں کردار ادا کروں۔بٹلر نے گرین شرٹس کے خلاف دوسرے
ایک روزہ میچ میں 110 رنز کی اننگز کھیل کر ٹیم کی جیت میں کلیدی کردار ادا کیا تھا۔ بٹلر نے اپنے بیان میں کہا کہ مجھے اس بات کی خوشی ہے کہ میری اننگز ٹیم کی جیت کے کام آئی، بلاشبہ یہ سنچری میرے لئے بہت اہم ہے، مستقبل میں بھی کوشش ہو گی کہ عمدہ بیٹنگ کے تسلسل کو برقرار رکھتے ہوئے ٹیم کو مزید کامیابیاں دلائوں۔
