موہالی(آن لائن) آسٹریلیا نے بھارت کو چوتھے ون ڈے میں ہراکر سیریز دو دو سے برابر کر دی۔ بھارت نے پہلے بیٹنگ کرتے ہوئے اسٹریلیا کو 358رنز کا ہدف دیا لیکن آسٹریلیا کے بلے بازوں نے زبردست بیٹنگ کرتے ہوئے مقررہ ہدف اووز میں حاصل کرکے بھارت کی سر زمین پر ایک نیا ریکارڈ قائم کر دیا۔

آسٹریلیا کی طرف سے ہینڈز کومب نے105گیندوں پر117رنز کی اننگز کھیل کر بھارتی بالروں کے حوصلے پست کیے جبکہ انکے ساتھ اوپنر بلے باز پاکستانی نثراد عثمان خواجہ نے ایک بار پھر بھارتیوں کو آڑے ہاتھوں لیا اور99گیندوں پر91رنز بنا کر آؤٹ ہوئے۔ عثمان خواجہ نے گزشتہ ون ڈے میچ میں 104رنز کی اننگز کھیل کر بھارتی فوج کو ٹوپیاں پہننے والی بھارتی ٹیم کو رسوا کیا تھا۔ بعد میں آنے والے بیٹسمینوں میں ٹرنز نے بھارتی بالروں کا بوکس نکال دیا اور صرف43گیندوں پر84رنز بنائے۔ ٹرنز درحقیقت گیم ٹرنزہی ثابت ہو گئے اور تمام بھارتی باؤلر انکے سامنے بے بس نظر آئے انکے ساتھی بیٹسمین وکٹ کیپر کیری نے بھی عمدہ بلے بازی کا مظاہرہ کرتے ہوئے15گیندوں پر21رنز بنائے اور وہ بمراہ کی گیند پر آؤٹ ہوئے۔ اس طرح اسٹریلیا نے یہ میچ سنسنی خیز مقابلے کے بعد4وکٹ سے جیت لیا۔ آسٹریلیا کی پہلی وکٹ3کے سکور پر اور دوسری 12کے سکور پر گری لیکن عثمان خواجہ اور ہینڈز کومب کے درمیان ہونیوالی شراکت نے سکور204تک پہنچا دیا اور اس موقع پر عثمان خواجہ نروس نائینٹیز کا شکار ہوکر پویلین لوٹ گئے، اس سے پہلے بھارت نے9وکٹ کے نقصان پر357رنز بنائے تھے اس میں روہت شرما کے95اور شیکرد معاون کے143رنز شامل تھے، آسٹریلیا کے فاسٹ باؤلر پیٹ کمنز نے70رنز کے عوض 5کھلاڑیوں کو آؤٹ کیا۔

موضوعات:عثمان خواجہ