دبئی (آن لائن)کوئٹہ گلیڈی ایٹرز کے مڈل آرڈر بلے باز عمر اکمل نے ٹونٹی ٹونٹی کرکٹ میں زیادہ مرتبہ صفر کی خفت سے دوچار ہونے کا پاکستانی ریکارڈ برابر کردیا ہے ۔28سالہ عمر اکمل اب تک249ٹونٹی ٹونٹی میچز میں29.25کی اوسط سے5354رنز سکور کرچکے ہیں جس میں ایک سنچری اور32نصف سنچریاں شامل ہیں ۔

ٹونٹی ٹونٹی کرکٹ میں زیادہ مرتبہ صفر کی خفت سے دوچار ہونے والے بلے باز ویسٹ انڈیز کے ڈووین سمتھ ہیں جو27مرتبہ بغیر کوئی رن بنائے پوویلین لوٹے ہیں ،عمر اکمل اور ان کے بڑے بھائی اور پشاور زلمی کے وکٹ کیپر بلے باز کامرا ن اکمل 25،25مرتبہ سکوررز کو زحمت دیئے بغیر پوویلین لوٹے ہیں ،سابق کپتان شاہد آفریدی22مرتبہ اس خفت سے دوچار ہوکر دوسر ے نمبر پرموجود ہیں ،فاسٹ بالر سہیل تنویر21مرتبہ بغیر کوئی رن بنائے پوویلین لوٹ کر اس لسٹ میں تیسرے نمبر پر موجود ہیں ، سابق ٹی ٹونٹی کپتان محمد حفیظ بھی اب تک19مرتبہ صفر کی خفت سے دوچا ر ہوچکے ہیں،ٹیسٹ اوپنر احمد شہزاد بھی16مرتبہ سکوررز کو کوئی زحمت دیئے بغیر پوویلین لوٹے ہیں ، ٹیسٹ کرکٹر خرم منظور14مرتبہ بغیر کھاتہ کھولے پوویلین لوٹے ہیں،کراچی کنگز کے کپتان عمادو سیم اور سابق آل رانڈر یاسر عرفات13،13اورفاسٹ بالر محمد سمیع ،پیسر وہاب ریاض اورٹیسٹ کرکٹر عمر گل12،12مرتبہ جب کہ سابق ٹیسٹ کرکٹراظہر محمود11مرتبہ صفر کی خفت سے دوچا ر ہوئے ہیں۔ کوئٹہ گلیڈی ایٹرز کے مڈل آرڈر بلے باز عمر اکمل نے ٹونٹی ٹونٹی کرکٹ میں زیادہ مرتبہ صفر کی خفت سے دوچار ہونے کا پاکستانی ریکارڈ برابر کردیا ہے ۔28سالہ عمر اکمل اب تک249ٹونٹی ٹونٹی میچز میں29.25کی اوسط سے5354رنز سکور کرچکے ہیں جس میں ایک سنچری اور32نصف سنچریاں شامل ہیں ۔