کولمبو (این این آئی)سری لنکا نے رواں ماہ آسٹریلیا کے خلاف شیڈول ٹیسٹ سیریز کیلئے سکواڈ کا اعلان کر دیا ہے ۔ اعلان کردہ سکواڈ کپتان دنیش چندیمل، دیمتھ کرونارتنے، لاہیرو تھریمانے، کوسل مینڈس، سدیرا سمارا وکراما، دھنن جایا ڈی سلوا، روشن سلوا، نیروشن ڈکویلا، کوسل پریرا، لکشن سنداکن، سرنگا لکمل، نووان پرادیپ، لاہیرو کمارا، دشمانتھا چمیرا اور کاسن راجیتھا پر مشتمل ہے۔دوسری جانب آل راؤنڈر اینجلو میتھیوز انجری کے باعث سیریز سے باہر ہو گئے وہ نیوزی لینڈ کے خلاف کھیلے گئے دوسرے ٹیسٹ میچ کے

دوران ہیمسٹرنگ انجری کا شکار ہوئے تھے جس کی وجہ سے وہ کیویز کے خلاف ون ڈے اور ٹی ٹونٹی سیریز بھی نہیں کھیل سکے تھے، کوسل پریرا کی دوبارہ ٹیم میں واپسی ہوئی ہے، اوپننگ بیٹسمین گونا تھلیکا کو ناقص فارم کی بناء پر ڈراپ کر دیا گیا، لاہیرو تھریمانے، سدیرا سمارا وکراما، لکشن سنداکن اور نووان پرادیپ نیوزی لینڈ کے خلاف ٹیسٹ سیریز نہ کھیلنے کے باوجود ٹیم میں جگہ برقرار رکھنے میں کامیاب رہے۔ یاد رہے کہ سری لنکا اور آسٹریلیا کے درمیان دو ٹیسٹ میچوں پر مشتمل سیریز کا آغاز 24 جنوری سے ہو گا