برمنگھم(آئی این پی ) برٹش جونیئر اسکواش چیمپین شپ میں پاکستانی کھلاڑی حارث قاسم انڈر17 کے سیمی فائنل میں پہنچ گئے، حارث قاسم نے مصر کے ابراییم ایم ابراہیم کو 3-2 سے شکست دی۔برطانیہ کے شہربرمنگھم میں جاری برٹش جونیئر سکواش چیمپین شپ پاکستانی کھلاڑی حارث قاسم انڈر17 کے سیمی فائنل میں پہنچ گئے۔ کوارٹر فائنل میں حارث قاسم نے مصر کے ابراییم ایم ابراہیم کو 3-2 سے شکست دی۔مصری کھلاڑی سے اہم

مقابلے میں حارث قاسمکی جیت کا سکور 11-9، 11-5، 11-7 تھا جبکہ دو ہارنے والے سیٹوں میں3-11اور4-11 سکوررہااس سے قبل انڈر 15 میں سابق لیجنڈ قمرزمان کے پوتے نور زمان بھی سیمی فائنل میں پہنچے تھے۔ کوارٹر فائنل میں نور زمان نے امریکہ کے موکھونتہ کو 11-5 ، 11-7 اور 11-8 سے شکست دی تھی۔برٹش جونیئر اسکواش میں پاکستان کے عباس زیب، محمد حمزہ اورآمنہ فیاض ایونٹ کے ابتدائی مراحل میں ہی شکست کھاکر مقابلے سے باہرہوچکے ہیں۔

موضوعات:برٹش جونیئر اسکواش چیمپین شپ