سڈنی(آئی این پی)ویمنز بگ بیش لیگ میں سڈنی سکسرز نے میلبورن رینیگڈز کو 7 وکٹوں سے شکست دے کر ویمنز بگ بیش لیگ میں چھٹی فتح حاصل کر لی، فاتح ٹیم نے 111رنز کا ہدف 14.1اوورز میں 3 وکٹوں پر پورا کیا، الیسا ہیلے نے ناقابل شکست 70 رنز بناکر اپنی ٹیم کی فتح میں اہم کردار ادا کیا۔ ان کو شاندار بیٹنگ پر میچ کی بہترین کھلاڑی قرار دیا گیا۔جمعرات کو کھیلے گئے لیگ کے 31ویں میچ میں میلبورن رینیگڈز کی ٹیم نے پہلے کھیلتے ہوئے مقررہ 20 اوورز میں 8 وکٹوں کے

نقصان پر 110رنز بناکر سڈنی سکسرز کو میچ میں کامیابی کے لئے 111 رنز کا ہدف دیا۔ برا?ن 33، ساتھرویٹ 21 اور کوسکی 15 رنز بناکر آ?ٹ ہوئیں جبکہ سٹرانو 17رنز بناکر ناٹ آ?ٹ رہیں۔ چیٹلی نے 2 جبکہ کاپ، پیری، سمتھ اور نیکریک نے ایک ایک کھلاڑی کو آ?ٹ کیا۔جواب میں سڈنی سکسرز کی ٹیم نے الیسا ہیلے کے ناقابل شکست 70 رنز کی بدولت مطلوبہ ہدف 14.1 اوورز میں 3 وکٹوں پر پورا کیا۔ الیسا ہیلے ناقابل شکست 70 رنز اور گاڈنر 19 رنز کے ساتھ نمایاں بلے باز رہیں۔