میلبورن(آئی این پی)بھارت کے مایہ ناز بلے باز چیتشوار پوجارا نے آسٹریلیا کے خلاف شاندار بلے بازی کا مظاہرہ کرتے ہوئے اپنے ٹیسٹ کیریئر کی 17 ویں سنچری مکمل کرلی۔انہوں نے جمعرات کو کینگروز کے خلاف تیسرے ٹیسٹ میچ کے دوسرے روز عمدہ بلے بازی کا مظاہرہ کرتے ہوئے وکٹ کے چاروں اطراف دلکش سٹروکس کھیلے

اور 319 گیندوں کا سامنا کرتے ہوئے 10 چوکوں کی مدد سے انفرادی 106 رنز بنائے۔ انہوں نے کپتان ویرات کوہلی کے ساتھ مل کر تیسری وکٹ کی شراکت میں 170 قیمتی رنز بناکر اپنی ٹیم کی پوزیشن مستحکم بنادی۔ یہ چیتشوار پوجارا کے ٹیسٹ کیریئر کی 17 ویں سنچری تھی۔ ان کو انفرادی 106 رنز پر آسٹریلیا کے پیٹ کمنز نے کلین بولڈ کیا۔