ڈھاکا(آئی این پی) بال ٹیمپرنگ پر پابندی کے شکار سابق آسٹریلوی کپتان اسٹیون اسمتھ کو بنگلادیش لیگ میں شرکت سے روک دیا گیا۔اسٹیون اسمتھ کو انٹرنیشنل کرکٹ، آسٹریلوی ڈومیسٹک شیفلڈ شیلڈ اور بگ بیش لیگ سے ایک سال کیلیے دور کیا گیا ہے، انھیں5 جنوری سے شروع ہونے والی بنگلادیش ٹی ٹوئنٹی لیگ میں کومیلا وکٹورینز کی نمائندگی کرنا تھی، اسمتھ کو بطور

پاکستانی آل راؤنڈر شعیب ملک متبادل منتخب کیا گیا تھا۔بنگلادیش کرکٹ بورڈ کے چیف نظام الدین چوہدری نے کہا کہ ٹورنامنٹ قوانین کے مطابق اگر کوئی فرنچائز کسی متبادل کی خدمات لے تو اس کا نام ابتدائی پلیئرز ڈرافٹ میں شامل ہونا ضروری ہے مگر اسمتھ کا نام اس میں نہیں تھا، اسی لیے بعض فرنچائزز نے اعتراض اٹھایا، البتہ وارنر بدستور سلہٹ سکسرز کی نمائندگی کرینگے۔