ہفتہ‬‮ ، 05 اپریل‬‮ 2025 

آئی سی سی ٹیسٹ رینکنگ،ولیمسن کی لمبی چھلانگ ،دوسرے نمبر پر آگئے،اظہر علی بھی ٹاپ ٹین میں شامل

datetime 11  دسمبر‬‮  2018
ہمارا واٹس ایپ چینل جوائن کریں

دبئی(آئی این پی) انٹرنیشنل کرکٹ کونسل(آئی سی سی ) نے نئی ٹیسٹ رینکنگ جاری کردی اور نیوزی لینڈ کے کپتان کین ولیمسن بڑی چھلانگ لگاتے ہوئے دوسری پوزیشن پر قبضہ جمالیا۔ بلے بازوں میں ویرات کوہلی پہلے،سٹیو سمتھ تیسرے اور پاکستانی بلے باز اظہر علی ٹاپ ٹین میں شامل ہو گئے اور10ویں نمبر پر موجود ہیں۔باؤلنگ میں کاگیسو ربادا پہلے، جیمز اینڈرسن دوسرے

ورنن فلنڈر تیسرے ،محمد عباس ایک درجے تنزلی کے بعد چوتھے اور یاسر شاہ نویں پوزیشن پر موجود ہیں ابتدائی 10بہترین آل رانڈر کی فہرست میں کوئی پاکستانی شامل نہیں۔تفصیلات کے مطابق آئی سی سی نے نئی ٹیسٹ رینکنگ جاری کردی ،پاکستان کے خلاف حالیہ ٹیسٹ سیریز میں شاندار کارکردگی پیش کرنے کین ولیمسن 900پوائنٹس کا ہندسہ عبور کرنے والے پہلے کیویز بلے باز ہیں اور مجموعی طور پر 900پوائنٹس حاصل کرنے والے 32ویں کھلاڑی ہیں۔کین ولیمسن کی قیادت میں نیوزی لینڈ نے 49سال بعد پہلی مرتبہ کسی ایشین ٹیم کو ہوم گرانڈ کے بجائے کسی اور گراونڈ پر شکست دی۔آئی سی سی ٹیسٹ رینکنگ کے مطابق بھارتی کپتان ویرات کوہلی 920پوائنٹس کے ساتھ سرفہرست ہیں جب کہ کین ولیمسن 913پوائنٹس کے ساتھ دوسرے نمبر پر ہیں۔10بہترین بیٹسمینوں کی فہرست میں پاکستان کے اظہر علی 10ویں نمبر پر ہیں، آسٹریلیا کے اسٹیو اسمتھ تیسری، بھارت کے چتیسور پجارا چوتھے، انگلینڈ کے جوئے روٹ پانچویں، آسٹریلیا کے ڈیوڈ وارنر چھٹی، سری لنکا کے کرارتنے ساتویں، جنوبی افریقا کے ڈین ایلگر نویں اور نیوزی لینڈ کے ہینری نکولس نویں پوزیشن پر براجمان ہیں۔بولنگ کے شعبے میں ابتدائی 10 بہترین بولروں میں پاکستان کے دو بولر شامل ہیں، محمد عباس 821پوائنٹس کے ساتھ ایک درجے تنزلی کے بعد چوتھے اور یاسر شاہ 757پوائنٹس کے ساتھ نویں پوزیشن پر موجود ہیں۔جنوبی افریقا کے کاگیسو ربادا 882 پوائنٹس کے ساتھ بہتری بولر قرار پائے ہیں جبکہ انگلینڈ کے جیمز اینڈرسن 874 پوائنٹس کے ساتھ دوسرے اور جنوبی افریقا کے ورنن فلنڈر 826 پوائنٹس لے کر تیسری پوزیشن پر براجمان ہیں۔بہترین آل رانڈر کی فہرست میں بنگلادیش کے شکیب الحسن 415 پوائنٹس کے ساتھ سرفہرست ہیں، بھارت کے روندرا جدیجا دوسرے اور جنوبی افریقا کے ورنن فلنڈر تیسرے نمبر پر ہیں۔ابتدائی 10بہترین آل رانڈر کی فہرست میں کوئی پاکستانی شامل نہیں اور یاسر شاہ 126 پوائنٹس کے ساتھ 26ویں نمبر پر ہیں۔

موضوعات:



کالم



چانس


آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…