پروویڈنس(آئی این پی)آئی سی سی ویمنز ورلڈ ٹی ٹونٹی کرکٹ کپ میں (آج)ہفتہ کو دو میچوں کا فیصلہ ہوگا۔ تفصیلات کے مطابق آئی سی سی ویمنز ورلڈ ٹی ٹونٹی کپ کرکٹ ٹورنامنٹ ویسٹ انڈیز میں اپنی آب و تاب کے ساتھ جاری ہے اور کانٹے دار مقابلوں کا سلسلہ جاری ہے۔اسی سلسلے میں(آج)ہفتہ کو مزید دو میچز کھیلے جائیں گے۔

دونوں میچز گروپ بی کی ٹیموں کے درمیان کھیلے جائینگے۔ پہلے میچ میں آسٹریلیا کی ٹیم کو بھارتی ویمن ٹیم کا چیلنج درپیش ہو گا جبکہ اسی گروپ کا دوسرا میچ آئرلینڈ اور نیوزی لینڈ کی ویمن ٹیمیں آمنے سامنے ہونگی۔ واضح رہے کہ میگا ایونٹ کے دونوں سیمی فائنلز 22 نومبر کو کھیلے جائینگے جبکہ فائنل میچ 24 نومبر کو کھیلا جائیگا۔