ممبئی (اسپورٹس ڈیسک)بھارتی ٹیم کے کپتان کوہلی ایک تقریب کے دوران اپنے چھوٹے قد سے اس قدر پریشان نظر آئے۔ کوہلی اپنے کھیل کے علاوہ دیگر سوشل سرگرمیوں کی وجہ سے ان دنوں کافی سرخیوں میں رہتے ہیں اور حال ہی میں ایک معروف گھڑی ساز کمپنی کی جانب سے رسٹ واچ کی تشہیری مہم کے سلسلے میں منعقدہ پروگرام میں اپنا قد بڑھانے کی خاطر کی جانے والی حرکت کی وجہ سے سوشل میڈیا پر موضوع بحث بنے ہوئے ہیں۔5فٹ 9 انچ کے بھارتی ٹیم کے 29 سالہ کپتان کوہلی پروگرام کے دوران 5
فٹ 11 انچ کی 20 سالہ بھارتی ٹینس اسٹار کرمن کور تھانڈی کے برابر اپنا قدکرنے کیلئے اسٹیج پر رکھی لکڑی کی چوکی پر چڑھ گئے اور فوٹو سیشن کروایا۔اس موقع پر اسٹیج پر کوہلی اور کرمن کے علاوہ دیگر اسپورٹس اسٹارز ستنام سنگھ ، عادل بیدی ، شیوانی کٹاریا ، سچکا کمار انگلے ، پنکی رانی اور منوج کمار بھی موجود تھے۔کوہلی اپنی اس حرکت پر فوٹو سیشن کے دوران خود بھی مسکرا تے ہوئے نظر آئے ،جبکہ وہاں موجود دیگر لوگ بھی بھارتی ٹیم کے کپتان کی اس حرکت پر اپنی ہنسی قابو میں نہ کرسکے۔
