کراچی(سپورٹس ڈیسک) قومی کرکٹ ٹیم کے سابق کپتان شاہد آفریدی نے کہا ہے کہ سرفراز بہترین کپتان ہیں، انہیں ورلڈکپ کیلئے کپتان رہنا چاہیے، ٹیسٹ ٹیم کے حوالے سے سلیکشن کمیٹی کے فیصلوں پرحیران ہوں،کوچ اور سلیکشن کمیٹی کی انڈراسٹینڈنگ سمجھ نہیں آرہی، ایشیا کپ سے متعلق توقعات بہت زیادہ تھیں، فواد عالم کی کارکردگی بہترین جارہی ہے۔ فواد عالم کو اگر قومی ٹیم

میں نہیں تو اے ٹیم میں شامل کیا جانا چاہیے تھا۔پاکستان کرکٹ ٹیم کے سابق کپتان شاہد خان آفریدی نے گرین کریسینٹ فاونڈیشن کیساتھ مل کراسکول کا افتتاح کردیا۔ اس موقع پر صحافیوں کے سوالات کا جواب دیتے ہوئے ان کا کہنا تھا کہ ایشیا کپ کے حوالے سے امیدیں بہت تھیں لیکن ٹیم کی پرفارمنس حیرانی ہوئی جب کہ ٹیسٹ ٹیم کے حوالے سے سلیکشن کمیٹی کے فیصلوں پربھی حیران ہوں۔سابق آل رانڈرشاہد آفریدی نے کہا کہ پاک بھارت سیریزکا معاہدہ پورا ہونا چاہیے، کرکٹ اب کمرشل بن چکی ہے، ہرملک چاہتا ہے وہاں لیگ ہو ۔ فواد عالم اچھا کھلاڑی ہے اس کو ٹیم میں نہ لینا سمجھ سے باہر ہے۔انہوں نے کہا کہ ایشیا کپ سے متعلق توقعات بہت زیادہ تھیں،کوچ اور سلیکشن کمیٹی کی انڈراسٹینڈنگ سمجھ نہیں آرہی۔شاہد آفریدی نے کہا کہ سرفراز بہترین کپتان ہیں، انہیں ورلڈکپ کے لیے بھی کپتان رہنا چاہیے۔ انہوں نے کہا کہ پاکستان کا سب سے بڑا مسئلہ تعلیم ہے۔ شاہد خان فاونڈیشن اورگرین کریسینٹ فاونڈیشن مل کر 2020 تک ملک بھرمیں اسکولز کاجال بچھائیں گے۔ان کا کہنا تھا کہ چند مہینوں میں 4اسکولوں کا آغاز کردیا گیا ہے، بلوچستان میں اسکولوں کی تعمیر ہمارا بنیادی ہدف ہے جبکہ اسکولز کے ساتھ کھیل کے میدان بھی بنائے جائیں گے۔اس کے علاوہ انہوں نے کہا کہ فواد عالم کی کارکردگی بہترین جارہی ہے۔ فواد عالم کو اگر قومی ٹیم میں نہیں لیا تو اے ٹیم میں انہیں شامل کیا جانا چاہیے تھا۔شاہد آفریدی کا کہنا ہے کہ حکام کو ایک اعلان کے ذریعے کھلاڑیوں کے شبہات کو دور کر دینا چاہیے۔