زیورخ (سپورٹس ڈیسک)فیفا پلیئر آف دی ایئر ایوارڈکروشیا کے اسٹار فٹبالر لوکا موڈریچ لے اڑے ، کروٹ فٹبالر اپنا ایوارڈ مداحوں کے نام کردیا۔پلیئر آف دی ایئر ایوارڈ کی تقریب لندن کیساؤتھ بینک کے رائل فیسٹول ہال میں منعقد ہوئی، فٹبال کی تاریخ میں گیارہ سال بعد یہ موقع آیا ہے جب ارجنٹائن کے لیونل میسی اور پرتگال کے کرسٹیانو رونالڈو کے علاوہ یہ اعزاز حاصل کرنے والا کھلاڑ ی کوئی اور یعنی لوکا موڈریچ ہے ٗاس اعزاز کی دوڑ میں کرسٹیانو رونالڈو ، کروشیا کے لوکا موڈریچ اور مصر کے محمد صلاح کے درمیان کانٹے کا مقابلہ تھا جس میں
قسمت کی دیوی لوکا موڈریچ پر مہربان ہوئی اور انہیں یہ اعزاز حاصل ہوا۔مصر کی قومی ٹیم کے کپتان اور انگلش کلب لیور پول کے اسٹرائیکر محمد صلاح کے انگلش پریمیئرلیگ میں ایورٹن کے خلاف گول کو سال کا بہترین گول قرار دیا گیاجبکہ گول کیپر آف دی ایئر کا ایوارڈ تھیباوکورٹیس نے جیتا۔بہترین کوچ کا ایوارڈ فرانس کے ڈیڈیئر ڈیشامپ کے نام رہا،ڈیشامپ کی کوچنگ میں فرانس نے اس سال فٹبال ورلڈ کپ کا ٹائٹل جیتا۔دوسری جانب برازیل کی خاتون فٹبالر مارتا کو حیران کن طور پر چھٹی مرتبہ وومن پلیئر آف دی ایئرقرار دیا گیا جبکہ ویمنزبیسٹ کوچ آف دی ایئر فرانس کے رینالڈ پیڈروس کو قرار دیا گیا۔
