ابوظہبی(آئی این پی) بھتیجے کی وفات کے باعث وطن واپس آنے والے قومی کرکٹ ٹیم کے بولنگ کوچ اظہر محمود نے دوبارہ ٹیم کو جوائن کرلیا۔قومی کرکٹ ٹیم کے بولنگ کوچ اظہر محمود بھتیجے کی وفات کے باعث دبئی سے وطن واپس روانہ ہوگئے تھے تاہم جمعرات کو انہوں نے دبئی میں ٹیم کو دوبارہ جوائن کرلیا ہے۔واضح رہے کہ

اظہر محمود پاک بھارت میچ سے قبل قومی ٹیم کے ساتھ دبئی میں تھے تاہم منگل کو بھتیجے کی وفات کی اطلاع ملنے پر وہ فوری طور پر پاکستان واپس آگئے تھے۔اب وہ پاکستانی باؤلرز کو افغانستان کے میچ سے قبل مفید مشورے دیں گے۔ امید کی جا رہی ہے کہ ان کے مفید مشوروں کی بدولت پاکستان ایشیا کپ میں کامیابی حاصل کرے گا۔