دبئی(سپورٹس ڈیسک) آئی سی سی نے ایشیاکپ کے تمام میچزکوفل ون ڈے اسٹیٹس دے دیا ہے۔ ٹورنامنٹ میں پانچ ایشین ٹیسٹ ممالک کے ساتھ کوالیفائرہانگ کانگ شامل ہے۔آئی سی سی نے ایشیاکپ کے تمام میچزکوفل ون ڈے اسٹیٹس دے دیا۔ ایشیاکپ 15سے 28 ستمبرتک دبئی اورابوظہبی میں منعقدہورہاہے۔چھ ملکی ٹورنامنٹ میں 5ایشین ٹیسٹ ممالک پاکستان،بھارت، سری لنکا،بنگلہ دیش اور افغانستان کے ساتھ کوالیفائرہانگ کانگ شامل ہے۔ہانگ کانگ نے چھ ممالک کے کوالیفائرٹورنامنٹ کے فائنل میں یواے ای
کوشکست دیکرمین رانڈ میں کھیلنے کا حق حاصل کیا۔ٹورنامنٹ میں مجموعی طورپر تیرہ میچز کھیلے جائیں گے۔آئی سی سی اعلامیہ میں کہاگیا ہے کہ ایشیاکپ کے تمام میچز کوفل ون ڈے اسٹیٹس دینے کا مقصد دنیابھر میں کرکٹ کوفروغ دینااورایشین ایونٹ کی اہمیت کواجاگرکرنا ہے۔کوالیفائرہانگ کانگ گروپ اے میں پاکستان اوربھارت کے ساتھ شامل ہے۔ وہ اپنا پہلا میچ سولہ ستمبرکوپاکستان کے خلاف کھیلے گا۔ اٹھارہ ستمبرکواس کامقابلہ بھارت سے ہوگا۔اوراب یہ دونوں میچز بھی ون ڈے انٹرنیشنل ہوں گے۔
