لندن(سپورٹس ڈیسک) انگلش فاسٹ بولر جیمز اینڈرسن بھارتی کپتان ویرات کوہلی کو ایل بی ڈبلیو قرار نہ دینے پر امپائر کماردھرماسینا سے الجھ پڑے۔جس پر انھیں 15فیصد میچ فیس جرمانے کے ساتھ ایک ڈیمیرٹ پوائنٹ کی سزا کا بھی سامنا کرنا پڑا۔اوول ٹیسٹ کے دوسرے روز بھارتی اننگز کے 29ویں اوور میں پیش آیا جب ویرات کوہلی 16رنز پر بیٹنگ کررہے تھے، گیند ان کے پیڈ پر لگنے پر اینڈرسن نے زوردار

آواز میں ایل بی ڈبلیو کی اپیل کی مگر کمار دھرما سینا نے ناٹ آٹ قرار دیا۔جس پر انگلینڈ نے فوری طور پر ریویو لیا جس پر تھرڈ امپائر نے تمام چیزوں کا اچھی طرح جائزہ لینے کے بعد اسے امپائر کال قرار دے دیا، اوور ختم ہونے کے بعد اینڈرسن نے غصے سے دھرما سینا سے اپنی کیپ تقریبا جھپٹ کر لی اور مشتعل انداز میں بحت بھی کی جس پر انھیں ایک ڈیمیرٹ پوائنٹ اور 15 فیصد میچ فیس جرمانہ کردیا گیا۔

موضوعات:جیمز اینڈرسن\