ممبئی( سپورٹس ڈیسک)بھارتی کر کٹ ٹیم کے کوچ اور کمنٹیٹر روی شاستری اور بالی وڈ اداکارہ نمرت کور کے درمیان قربتیں بڑھ گئیں۔بھارتی میڈیا نے اپنی رپورٹ میں دعویٰ کیا کہ 56سالہ روی شاستری اور 36سالہ نمرت کور کے درمیان گزشتہ 2سال سے تعلقات ہیں۔ دونوں کے درمیان 2015میں جرمن کارساز کمپنی کی جانب سے ایک کار متعارف کرائے جانے کے اشتہار میں کام کرنے کے بعد دونوں میں نزدیکیاں ہوئیں ۔ گزشتہ 2سال کے
درمیان متعدد مرتبہ ایک ساتھ دیکھا گیا۔ اداکارہ نمرت کور نے ٹوئٹ کرتے ہوئے ان خبروں کو افواہیں قرار دیا۔انہوں نے کہا کہ خبریں فکشن سے زیادہ کچھ نہیں۔نمرت کور نے لکھا کہ حقائق کے بغیر فکشن کو شائع کرنا تکلیف دہ ہوسکتا ہے۔ دوسری جانب روی شاستری نے اس حوالے سے کوئی بیان نہیں دیا۔واضح رہے کہ روی شاستری کی سابق اہلیہ بھی بالی وڈ کی اداکارہ امرتا سنگھ تھیں ۔ان کے آپسی اختلافات انتہائی درجے پر پہنچنے کے بعد علیحدگی ہو گئی تھی۔
