دبئی( سپورٹس ڈیسک)افغان لیگ اسپنر راشد خان کو ون ڈے بولرز رینکنگ میں بھی ٹاپ پوزیشن حاصل کرنے کا موقع میسر آگیا۔وہ پہلے ہی ٹوئنٹی 20کے نمبر ون بولر کا اعزاز رکھتے ہیں، ایک روزہ رینکنگ میں وہ 763پوائنٹس کے ساتھ دوسرے نمبر پر موجود جبکہ ان کا ٹاپ پوزیشن کے حامل بھارتی بولر جسپریت بمرا سے فرق صرف 12پوائنٹس کا ہے۔وہ آئرلینڈ کے خلاف تین

ون ڈے میچز کی سیریز میں اچھی کارکردگی سے یہ فرق ختم کرسکتے ہیں۔ اسی طرح ان کے ساتھی بولر محمد نبی کی نگاہیں بھی اپنی موجودہ 16 ویں پوزیشن سے ترقی پر مرکوز ہیں۔ افغان ٹیم کلین سوئپ سے اپنے پوائنٹس کی تعداد 65کرسکتی ہے، اگرچہ اس سے اس کی دسویں پوزیشن پر فرق تو نہیں پڑے گا البتہ نویں نمبر پر موجود ویسٹ انڈیز سے فاصلہ صرف 4 پوائنٹس رہ جائے گا۔

موضوعات:راشد خان