ابو ظہبی(سپورٹس ڈیسک)ایشیاکپ میں روایتی حریفوں پاکستان اور بھارتی ٹیموں کاٹاکرہ 19ستمبرکوہی ہوگا۔بھارتی کر کٹ بورڈ(بی سی سی آئی) نے بھی حسبِ پروگرام میچ کی تصدیق کردی۔ایشیاکپ کرکٹ ٹورنامنٹ15 ستمبرسے یواے ای میں منعقد ہورہاہے۔8ملکی ون ڈے ٹورنامنٹ میں پاکستان،بھارت اورکوالیفائر گروپ اے اورسری لنکا،افغانستان اور بنگلہ دیش گروپ بی میں شامل ہیں۔
افتتاحی میچ15ستمبرکوسری لنکا اوربنگلہ دیش کے درمیان کھیلاجائے گا۔پاکستان16اگست کوکوالیفائرکیخلاف میچ سے اپنی مہم کاآغازکرے گا۔بھارتی ٹیم18ستمبرکوکوالیفائرسے پہلا میچ کھیلے گا۔ روایتی حریف پاکستان اوربھارت کا معرکہ 19ستمبرکوشیڈول ہے۔ بھارتی بورڈ نے مسلسل دو روز میچزپرسخت اعتراض کرتے ہوئے پاک،بھارت میچ کی تاریخ میں تبدیلی کامطالبہ کیاتھا۔جسے آئی سی سی اوراے سی سی نے مستردکردیا۔بی سی سی آئی ذرائع نے تصدیق کی ہے کہ ایشیاکپ کے شیڈول میں کوئی تبدیلی نہیں کی جارہی اورتمام میچزپروگرام کے مطابق ہوں گے۔بھارتی ٹیم دورہ انگلینڈ سے12ستمبر کووطن واپس آئے گی۔اورایشیاکپ کیلئے16ستمبرکویواے ای پہنچے گی۔پاکستان اوربھارت کے درمیان آخری معرکہ گذشتہ سال چیمپئنز ٹرافی فائنل میں ہواتھا۔ جس میں فتحیاب ہوکرپاکستان چیمپئنزکاچیمپئن بن گیاتھا۔ایشیاکپ میں دونوں پڑوسی ممالک کاسپرفور میں بھی ٹکرا ہوگا۔جبک فائنل میں تیسری بار بھی ان کا مقابلہ ہونے کاروشن امکان ہے۔
