لندن(آئی این پی)اظہرعلی نے انگلش کانٹی سمرسٹ کیلئے فاتحانہ ڈیبیوکیا۔ ووسٹرشائرکیخلاف37اور125رنزبنائے اورکاؤنٹی کوایک سوچوالیس رنز کی فتح سے ڈویژن ون میں پہلے نمبر پر پہنچا دیا۔پاکستان کے تجربہ کار بیٹسمین اظہرعلی نے انگلش کانٹی ڈیبیوپرفتح گرسنچری جڑ دی۔ ڈویژن ون میں سمرسٹ کی جانب سے اظہرعلی نے ووسٹر شائر کے خلاف ڈیبیو کیا۔سمرسٹ نے پہلی اننگ میں تین سوسینتیس رنزبنائے۔جس میں اظہرعلی کاحصہ سینتیس رنز رہا۔ ووسٹر شائرجواب میں دوسوستاون رنزبناسکی۔

سمرسٹ نے دوسری باری نووکٹوں کے نقصان پرتین سوباسٹھ رنزپرڈیکلیئرڈ کی۔اظہرعلی نے ایک سو پچیس رنز اسکورکئے۔سمرسٹ نے فتح کے لیے ووسٹرشائرکوچارسوتینتالیس رنز کا ہدف دیا۔ووسٹر دوسری اننگ میں دوسوننانوے رنز بنا کر آٹ ہوئی اورمیچ ایک سو چوالیس رنز سے ہار گئی۔اظہرعلی کانٹی کیلیے پہلے ہی میچ میں فتح گراننگ کھیلنے میں کامیاب ہوئے۔ سمرسٹ کانٹی ڈویژن ون میں تیسری سے دوسری پوزیشن پرآ گئی۔اظہرعلی کی عمدہ فارم سے کانٹی کوچیمپئن شپ جیتنے کی امید ہے۔