اسلام آباد (این این آئی)حکومتی کفایت شعاری اور ایندھن بچت پالیسی موٹرویز اور قومی شاہرائوں پر گاڑیوں کی حد رفتار میں کمی کر دی گئی ہے،

اقدام وزیر اعظم پاکستان کی ہدایات کی روشنی میں توانائی کے موثر استعمال اور ایندھن کی بچت کو فروغ دینے کیلئے کیا گیا ہے۔نئی ہدایات کے مطابق موٹرویز پر کار اور لائٹ ٹرانسپورٹ وہیکل کی حدِ رفتار 120کلومیٹر فی گھنٹہ سے کم کر کے 100کلومیٹر فی گھنٹہ مقرر کر دی گئی ہے، جبکہ مسافر بردار گاڑیوں اور مال بردار گاڑیوں کی حد رفتار 110کلومیٹر فی گھنٹہ سے کم کر کے 90کلومیٹر فی گھنٹہ کر دی گئی ہے۔ اسی طرح ہائی ویز پر کار اور لائٹ ٹرانسپورٹ وہیکل کی حد رفتار 100کلومیٹر فی گھنٹہ سے کم کر کے 80کلومیٹر فی گھنٹہ مقرر کر دی گئی ہے، جبکہ مسافر بردار گاڑیوں اور مال بردار گاڑیوں کی حد رفتار 80کلومیٹر فی گھنٹہ سے کم کر کے 65کلومیٹر فی گھنٹہ کر دی گئی ہے۔نیشنل ہائی وے اینڈ موٹر وے پولیس کے ترجمان انسپکٹر ثاقب وحید نے کہا ہے کہ پولیس نے نئی حدِ رفتار سے متعلق ملک بھر میں آگاہی مہم کا آغاز کر دیا ہے۔