لاہور( این این آئی )پاکستان کرکٹ بورڈ نے نیوزی لینڈ کے خلاف ون ڈے سیریز میں کلین سویپ شکست کے بعد کھلاڑیوں کے لئے نیا مینجمنٹ پلان ترتیب دیدیا، دوران سیریز سکواڈ میں شامل تمام کرکٹرز کو کھیلنے کا موقع ملے گا جبکہ کھلاڑی اب تمام لیگز بھی نہیں کھیل سکیں گے۔
بتایا گیاہے کہ بورڈ کے مشیروں کے مطابق ہار کی وجہ کھلاڑیوں کی انجریز ہے جسکے باعث مینجمنٹ پلان ترتیب دیا گیاہے ۔اب نیوزی لینڈ اور آسٹریلیا طرز پر روٹیشن پالیسی پر عمل ہوگا۔ سیریز کے دوران سکواڈ میں شامل تمام کھلاڑیوں کو موقع ملے گا۔ خاص کر فاسٹ باؤلرز کو پوری سیریز کی بجائے مخصوص میچز ملیں گے۔ جبکہ کھلاڑیوں کو اب تمام لیگز کے لئے این او سی نہیں دیا جائے گا۔ہارون رشید اور مدثر نذر کے اس مشترکہ پلان کا اعلان چیف سلیکٹر انضمام الحق اور ٹیم مینجمنٹ سے مشاورت کے بعد ہوگا۔پلان میں ٹیسٹ، ون ڈے اور ٹی ٹونٹی کے لئے23کھلاڑیوں کی فہرست تیار کی گئی ہے۔ ان کھلاڑیوں کو مخصوص لیگز میں جانے کی اجازت دی جائے گی اورٹیم میں شامل کھلاڑی سال میں دو سے زائد لیگز نہیں کھیل سکیں گے جبکہ بنگلہ دیش اور ہانگ کانگ طرز کی لیگز میں اہم کھلاڑی نہیں بھیجے جائینگے۔ان کھلاڑیوں کو مخصوص لیگز میں جانے کی اجازت دی جائے گی اورٹیم میں شامل کھلاڑی سال میں دو سے زائد لیگز نہیں کھیل سکیں گے جبکہ بنگلہ دیش اور ہانگ کانگ طرز کی لیگز میں اہم کھلاڑی نہیں بھیجے جائینگے
