لاہور ( این این آئی) طویل قامت قومی فاسٹ بولر محمد عرفان نے امریکہ کی جانب سے باسکٹ بال کھیلنے کی پیشکش مسترد کرتے ہوئے کہا ہے کہ پاکستان ہی میرے لیے سب کچھ ہے، اس کے لیے جان بھی حاضر ہے۔ایک ویڈیو پیغام میں انہوں نے بتایا کہ طویل قامت کی وجہ سے امریکہ کی جانب سے باسکٹ بال کھیلنے کی آفر کی گئی ہے۔ کہا گیا کہ یہاں آکر باسکٹ بال کھیلیں، آپ کو امریکی شہریت بھی دیں گے تاہم میں نے کہا کہ پاکستان ہی میرے لئے سب کچھ ہے،

میں یہاں ہی رہوں گا، پاکستان کے لیے جان بھی حاضر ہے۔واضح رہے کہ محمد عرفان پر پی ایس ایل اسپاٹ فکسنگ کیس میں بکی کے رابطے کی اطلاع تاخیر سے کرنے پر 6ماہ کی پابندی عائد کی گئی تھی۔ پابندی ختم ہونے کے بعد وہ ڈومیسٹک کرکٹ کھیل رہے ہیں اور قومی ٹیم میں واپسی کے منتظر ہیں۔