نئی دہلی(آئی این پی ) بھارتی کھلاڑی ریشابھ پانٹ نیٹی 20 کرکٹ کی تاریخ کی دوسری تیز ترین سنچری بنا لی،20 سالہ پانٹ نے صرف 32 گیندوں پر سنچری مکمل کی جوکہ کرس گیل سے صرف دو بالز پیچھے ہے۔ بھارتی کھلاڑی ریشابھ پانٹ نے وز شاہ کوٹلہ میں مشتاق علی ٹرافی کے دوران دہلی کی نمائندگی کرتے ہوئے ٹی 20
کرکٹ کی تاریخ کی دوسری تیز ترین سنچری جڑ دی،20 سالہ پانٹ نے صرف 32 گیندوں پر سنچری مکمل کی جوکہ کرس گیل سے صرف دو بالز پیچھے ہے، وہ 38 گیندوں پر 116 رنز بناکر ناقابل شکست رہے، ان کے اس لاٹھی چارج کی بدولت دہلی نے 8.2 اوورز پہلے ہی 145 رنز کا ہدف حاصل کرکے ہماچل پردیش کے خلاف میچ 10 وکٹ سے جیت لیا۔
