کراچی(این این آئی)سابق قومی کپتان یونس خان نے کہا ہے کہ سرفراز احمد اپنی پرفارمنس سے کھلاڑیوں کو متاثر کریں ٗ چیمپئنز ٹرافی کی فاتح قومی ٹیم کو سپورٹ کرنے کی ضرورت ہے۔میڈیا سے گفتگو میں ریکارڈ ساز بیٹسمین یونس خان نے کہا کہ پاکستان وہی ٹیم تھی جس نے چیمپئنز ٹرافی جیتی تاہم اب ٹیم کو سپورٹ کرنے کی ضرورت
ہے جبکہ قومی ٹیم کو نیوزی لینڈ کے خلاف سیریز کو سمجھنا ہوگا، انہوں نے کہا کہ سرفراز احمد کو اپنی فٹنس اور پرفارمنس پر توجہ دینی ہوگی، کپتان جب پرفارمنس دے گا تو کھلاڑی بھی اچھا کھیل پیش کریں گے۔یونس خان نے کہا کہ جب بھی ٹیم کو ضرورت ہوگی خدمات دینے کیلئے تیار ہوں۔
