اسلام آباد (این این آئی ) پاکستانی کرکٹ ٹیم کے سابق کپتان وسیم اکرم نے کہاہے کہ پاکستانی ٹیم میں کوئی ایسا بیٹسمین نظر نہیں آرہا جو نیوز ی لینڈ میں سنچری کرسکے ٗمحمد عامر جب تک بال کو اندر نہیں لائیں گے کامیاب نہیں ہوسکتے۔ایک انٹرویو میں سابق کپتان نے کہا کہ پہلے بھی کہہ چکا ہوں اس ٹیم کے ٹاپ فائیو میں کوئی ایسا کھلاڑی نہیں جو نیوزی لینڈ کی کنڈیشز میں سنچری بناسکے۔وسیم اکرم نے کہاکہ ہمارے

بیٹسمین ٹرینٹ بولٹ کو ٹھیک انداز سے کھیل نہیں پارہے،انہیں اپنی تیکنک بہتر بنانا ہوگی۔سوئنگ کے سلطان نے کہا کہ محمد عامر جب تک گیند اندر نہیں لائیں کے کامیاب نہیں ہوسکتے۔ایک سوال پر وسیم اکرم نے کہا کہ میںکچھ عرصے سے سن رہا ہوں کہ سرفراز احمد کو اوپر کے نمبروں پر بیٹنگ کیلیے آنا چاہیے،البتہ میرے خیال میں ان کا 7 یا 8ویں نمبر پر ہی کھیلنا بہتر ہے، اگر ٹیم بڑے اسکور کا تعاقب کر رہی ہو تو پھر وہ اوپر آسکتے ہیں لیکن سرفراز ہمیشہ پانچویں یا چھٹے نمبر پر نہیں چل سکتے۔سابق قائد نے کہا کہ یواے ای کی کنڈیشنز میں ہمارے بولرز ریورس سوئنگ کے عادی ہو چکے لیکن نیوزی لینڈکی پچز پر ایسا نہیں ہوتا، محمد عامر بھی اسی لیے ناکام ہوئے۔