لاہور (مانیٹرنگ ڈیسک) پاکستان کر کٹ بورڈ (پی سی بی) حکام نے نیوزی لینڈکیخلاف تیسرے ایک روزہ میچ میں بدترین شکست پر ردعمل دیتے ہوئے کہا ہے کہ نیوزی لینڈکیخلاف ٹیم کی خراب کارکردگی سے چیئرمین بورڈ نجم سیٹھی آگاہ ہیں۔بورڈ حکام کے مطابق ٹیم کی وطن واپسی کے بعد خراب کارکردگی کا جائزہ لیا جائیگا۔ حکام نے ٹیم پر تنقید کرنے والوں سے اپیل
کی ہے کہ منصفانہ تنقید کریں ، نکتہ چینی کرتے ہوئے بورڈ اور کھلاڑیوں کیساتھ ذاتیات پرنہ اتریں۔ واضح رہے نیوزی لینڈ نے ڈونیڈن میں کھیلے گئے تیسرے ایک روزہ میچ میں پاکستان کو183رنز سے آٹ کلاس کر دیا جبکہ پانچ میچوں کی سیریز میں تین صفر کی فیصلہ کن برتری بھی حاصل کرلی ہے۔ کیویز کے258 رنزکے جواب میں شاہین 74رنز پرڈھیر ہوگئے تھے ۔
