لاہور ( آئی این پی) بھارتی حکومت نے ایشیا ء کپ میں پاکستان ٹیم کی آمد کی منظوری روک لی ہے۔ بھارتی میڈیا کے مطابق بی سی سی آئی نے ایشیا ء کپ میں پاکستانی ٹیم کی آمد کی منظور ی کے لیے حکومت سے اجازت نامہ مانگا تھا تاہم اس پر مودی سرکاری نے خاموشی اختیار کرلی۔مودی سرکا ر کے اس اقدام کے بعد بھارتی بورڈ کو ایشیا کپ کی میزبانی سے محروم ہونے کا خوف کھانے لگا ہے اور

ستمبر میں ہونیوالے ایشیا کپ کی میزبانی بھارت سے واپس لیے جانے کا امکان بڑھ گیا ہے۔بھارتی بورڈ کے اعلی حکام کا کہنا ہے کہ انہیں معلوم نہیں کہ مودی سرکار پاکستان کو ایشیا کپ میں شرکت کی اجازت دیتی ہے یا نہیں تاہم وہ زیاد ہ دیر انتظا ر نہیں کرسکتے کیوں کہ انہیں ایشین کرکٹ کونسل کو جواب دینا ہے۔یاد رہے کہ اس سے پہلے بھارت انڈر 19 ایشیا کپ کی میزبانی سے بھی محروم ہوچکا ہے۔