اسلام آباد(آئی این پی) سابق کپتان پاکستان قومی کرکٹ ٹیم مصباح الحق کا کہنا ہے کہ ٹیم میں اس وقت شعیب ملک اور محمد حفیظ ہی سینر کھلاڑی ہیں۔دورہ نیوزی لینڈ کی ٹیم میں محمد حفیظ کا ہونا ضروری ہے۔وہ باولنگ نہیں کر سکتے تو بیٹنگ میں اپنی کارکردگی دکھا سکتے ہیں۔

مصباح الحق کا کہنا تھا کہ محمد حفیظ کی کارکردگی ماضی میں اچھی رہی ہے۔وا ضح رہے آئی سی سی نے محمد حفیظ کے باولنگ ایکشن مشکوک ہونے پر انٹر نیشنل میچز پر باولنگ پر پابندی لگا دی ہے۔پاکستان کا دورہ نیوزی لینڈ جنوری میں شیڈول ہے۔